雲陽 (已結業)

近年香港多咗食川菜嘅食店，雖然好多都好辣，不過就算唔食辣都可以去食，因為食辣嘅食店，都一定有唔辣嘅野可以食我地一行五人去咗响時代廣場十樓嘅雲陽，晚飯時間差不多滿坐，我地五人之中，兩個食辣，三個唔食辣，所以菜式選擇以唔辣為主雲陽四色薈萃，有燈影牛肉、蒜泥白肉、手撕棒棒雞同埋豆素卷，燈影牛肉同豆素卷都好味，蒜泥白肉雖然多蒜，但係蒜味唔係好出，棒棒雞比較平凡砂鍋魚頭湯，奶白色魚湯，一D都唔腥，好飲，剛好分到五大碗足料大魚頭，魚頭仲有好多肉蝦汁小籠包，同普通小籠包分別不大水煮牛肉，餐牌上標示三隻辣椒嘅麻辣菜式，食唔出麻味，只食到辣味樟茶櫻桃鴨，好香煙燻味，鴨肉唔肥，但又唔會乾身，好食清炒小白菜，食完濃味食物，清一清個味蕾乾貝帶子炒飯，鍾意佢係蛋炒飯，唔係蛋白炒飯，雖然蛋白炒較健康，但個人鍾意食有黃嘅炒飯，每人一小碗，飽飽今次未能試到佢地辣嘅川菜，只試到水煮牛肉，以水煮牛肉嚟講，唔算辣，又唔夠麻，其他唔辣嘅菜式都做得幾好；服務幾好