十二味 (香港仔中心4期)

營業中

休息中

香港仔新開左間川菜，門面設計得幾特別，新開張晚上人流都唔少，亦有唔少人係門口等外賣，都幾熱鬧。人見人愛酸菜魚可以揀辣同唔辣，亦有不同辣度選擇。今次試左唔辣，湯底酸酸地相當開胃，更能突顯魚既鮮味。魚肉肉質嫩滑，亦無乜魚骨，份量都唔少，食極都仲有。乾煸肥腸帶麻辣濃香既炸豬腸，豬腸清得好乾淨，咬落外面香脆，入面煙韌。全碟充滿辣椒花椒等配料，食完有股麻辣既後勁，辣得幾過癮，係正宗既辣味。川香回鍋肉肉片肥疫瘦部分各佔一半，色澤鮮亮，送飯真係一流。