匯麵一九五0 (已結業)

剛喺黃埔，諗住去食少少嘢，咁就去美食坊食車仔麵，上到去原來之前嗰間已經冇咗，但發現有間新舖同樣係食車仔麵，仲要係自己點選螢幕去揀麵底同餸，於是入去試吓。未入去之前啲亞姐都已經幾細心講解吓點操作，坐低之後慢慢自己揀吓，不過餸唔多選擇，麵底方面有燴麵揀，因為唔太肚餓，於是只係揀咗油麵底加三個餸。「燴麵」底就每款 $20普通麵底 $8，每款餸都係 $8味道方面我覺得一般喇，唔係特別好食，又絕對唔係難食，如果諗住食車仔麵都可以一試嘅。至於環境方面都算乾淨企理。