肥仔海南雞專門店 (開源道) (已結業)

肥仔海南雞開左一段時間，其實每個星期都會食一兩次，貪佢夠飽又有湯，一個人食又方便。以呢類形既地方黎講肥仔海南雞既鋪面同廚房都都叫乾淨企理，都叫食得實安心。基本上每次食都淨係食海南雞飯加凍檸茶，咁樣食法就$47，如果轉雞髀就應該加$5。先講講舊雞先，以往師父會切得多啲肉，宜家就切得多啲骨，不過整體而言都係可以接受。肉質方面唔叫嫩口，不過口感都可以。油飯方面有時會太乾身，唔係好夠香、味道有啲淡。配菜方面加左青瓜，成個飯有啲平衡。另外有杯有冬瓜肉小冬瓜湯飲下都幾滿足。最後總結一下，如果要食得好好肥仔海南雞未必適合，不過平時日常食既話係抵食既。