微酵烘焙 (世貿中心) (已結業)

環境位於世貿嘅角粒頭，一上都好易搵到，呢間店外有三張台，買完可以坐低食完飲完先行。服務職員講普通話，應該係台灣人，服務好好，飲品牌係上方，為免落錯單，會比張細餐牌我指比佢，好細心。另外，每一個包嘅牌都會講埋有咩成份，仲會有描述個包，令人更加吸引。雷神朱古力成個包係黑色，用比利時朱古力整，好香朱古力味，包入面有核桃，好有口感，而且面包好煙銀。綠茶紅豆好香綠茶味，入面係紅豆蓉，兩者好夾。吉士紅牛係一個小小嘅牛角包，好重手下，硬身的，攞上手感覺好脆，食落的確硬硬好，入面係吉士，好食。芝士方塊一條長方形嘅磚塊，表面充滿芝士，食落好香芝士味好甜味。爆漿珍珠軟歐用紅茶去製造，入面係黑糖白珍珠同紅茶吉士，將珍珠奶茶造成包，有另一番口感。珍珠鮮奶茶我叫左半糖，無甘甜，但都好香奶茶味，佢同出面唔同嘅係表面有忌廉，令到成杯野更香。鮮醇芋頭奶面頭有忌廉，仲灑左紫色嘅粉，好吸引，飲落好香芋頭味。