影片
更多
2019-09-07
824 瀏覽
香港經常有好多「過江龍」，又或者係充滿創意同特色既餐廳。 之前同朋友試完日本菜，今次想試下新菜式，我同朋友都想食啲有特色既小菜～星期三放工之，約左朋友喺中環見面。我地行行下見到一間叫「Check-in Taipei」既餐廳，個名咁得意，原來係一間地道既台灣餐廳。餐廳不但設計風格彷如台灣餐廳，連播放既音樂都係台灣歌手既歌曲。我必須要點名一下，一位陪伴著大家成長，旋律動人，歌詞充滿詩意，唱法獨特既周杰倫 Jay Chou，佢既歌曲亦係店內播放！餐廳設計既餐牌精美，餐牌囊括多款精選美食～ 有頭盤、小食、主菜、飲品等，每一道菜都非常吸引。 我同朋友先點左兩個主菜，再點左兩道台灣特色小吃，十分期待 😍芋泥鹹蛋黃蛋餅 $75第一道上既菜係芋泥鹹蛋黃蛋餅，呢道菜係店內既精選菜色。我地其實有多款蛋餅都好想試，例如松露玉米蛋餅同埋日式鰻魚起司玉米蛋餅🧀️。但因為我係鹹蛋黃控，所以最後揀左芋泥鹹蛋黃蛋餅🥞我真係好耐冇食過台灣既蛋餅，對上一次已經係兩年前，今晚食到蛋餅真係好感動 🥺😋我最欣賞蛋餅既地方係佢皮薄而煙韌，而且內裡可以放入各色各樣既食材。芋頭夾喺蛋餅中間，外面灑上鹹蛋黃碎，估唔到鹹蛋黃同芋頭既味
星期三放工之，約左朋友喺中環見面。我地行行下見到一間叫「Check-in Taipei」既餐廳，個名咁得意，原來係一間地道既台灣餐廳。
餐廳不但設計風格彷如台灣餐廳，連播放既音樂都係台灣歌手既歌曲。我必須要點名一下，一位陪伴著大家成長，旋律動人，歌詞充滿詩意，唱法獨特既周杰倫 Jay Chou，佢既歌曲亦係店內播放！
餐廳設計既餐牌精美，餐牌囊括多款精選美食～ 有頭盤、小食、主菜、飲品等，每一道菜都非常吸引。 我同朋友先點左兩個主菜，再點左兩道台灣特色小吃，十分期待 😍
芋泥鹹蛋黃蛋餅 $75
第一道上既菜係芋泥鹹蛋黃蛋餅，呢道菜係店內既精選菜色。我地其實有多款蛋餅都好想試，例如松露玉米蛋餅同埋日式鰻魚起司玉米蛋餅🧀️。但因為我係鹹蛋黃控，所以最後揀左芋泥鹹蛋黃蛋餅🥞
我真係好耐冇食過台灣既蛋餅，對上一次已經係兩年前，今晚食到蛋餅真係好感動 🥺😋我最欣賞蛋餅既地方係佢皮薄而煙韌，而且內裡可以放入各色各樣既食材。
芋頭夾喺蛋餅中間，外面灑上鹹蛋黃碎，估唔到鹹蛋黃同芋頭既味道都幾夾，既似甜食又似鹹食。蛋餅口感豐富，而且一啲都唔油膩，係絕佳小菜。我地好快就將蛋餅一掃而空，連碟上既蛋黃碎同肉鬆都唔放過 😄
手繪雙色鹽酥雞 $85
呢道菜簡直係色香味俱全，鹽酥雞一上枱就已經香氣四溢，再配上手繪既雙色圖案，富有創意特色。黃色既係柚子醬，而綠色既就係芥末醬。呢道係其中一道令我地讚不絕口既小食 😍👍🏻
啲炸雞甜甜地鹹鹹地好過癮，佢出面既脆皮好薄身，冇咁熱氣～入面既雞肉鮮嫩多汁，非常滋味。我好中意點芥末醬，令到炸雞更加香口惹味 😋
我地分別點左一碗台豐牛肉麵同埋一碗黑蒜香油牛肉麵。牛肉麵質素都好好～牛肉湯濃郁得黎，又帶點小清新😌可能因為放左乾既蟲草花，所以個湯飲落好甘香。每碗都有半隻糖沁蛋、兩件豆腐干、兩條油條、蟲草花同埋油麥菜。
黑蒜香油牛肉麵 $118
呢碗黑蒜香油牛肉麵係我點既，我選擇以配刀削麵。自己本身都好中意食刀削麵，因為比較有嚼頭。 呢碗刀削麵麵條軟硬適中，幾彈牙😁 黑蒜香油湯頭令牛肉麵變得更香濃！
至於牛肉🐮比較多係瘦肉，唔會全部都係肥膏，食得多都唔會有罪惡感 😋 牛肉鮮嫩多汁，入口即化，香滑無比。中意食牛筋既朋友有福了，呢到既牛肉麵每碗都會有一片係牛肉連筋，煙韌彈牙。
台豐牛肉麵 $108
朋友點既台豐牛肉麵係Check-in Taipei 既招牌菜，我地見到好多食客都會點呢款牛肉麵。朋友的揀左拉麵，口感爽口彈牙。朋友非常滿意牛肉既味道同質量，亦話啲豆腐乾同油條好有特色。🤪
經典珍珠奶茶 $42
喺等緊主食黎到既時候，我地點左杯飲品～呢杯係台式珍珠奶茶。呢個奶茶甜度適中，配埋煙韌彈牙既珍珠，不愧係台灣聞名既特式飲品，甚至比我地喺台灣飲到既珍珠奶茶更好味 👍🏼
我覺得「Check-in Taipei」係一間有誠意既餐廳，佢地一啲都唔馬虎，由店鋪裝潢、菜式到服務，每一樣野都做得好足，令食客有賓至如歸既感覺。我地就係咁樣感受左一晚台北既風光，亦勾起我想飛往台北既心思 ☺️
張貼
