湯•米 (已結業)

天氣轉涼想打邊爐，就揀咗屋企附近嘅一人一鍋🍲🔸芝士凍頂烏龍🍹芝士奶蓋咸咸地，配埋烏龍茶好好味。🔸滿杯菠蘿🍍原來係滿滿嘅菠蘿沙冰，一層一層好靚又好refreshing。 🔸招牌臭臭鍋鍋入面好多配料，主菜牛肉、臭豆腐、鴨血、貢丸等等，湯底好惹味，粟米索咗湯底正。🔸沙茶牛肉鍋主菜牛肉、牛丸、滑豆腐等等，配埋特製醬汁好香濃。🔸豚肉片，娃娃菜我哋個鍋都係牛肉，就叫咗個豚肉片，份量幾多，唔鞋👍🏻 娃娃菜好新鮮。🔸台南滷肉飯雖然個鍋已跟粉絲，但見到有滷肉飯都係心思思叫咗，滷肉汁好香，有肉碎冬菇撈飯唔錯。🔸酥炸花枝墨魚丸⚪️外層炸脆咗嘅墨魚丸好彈牙，好食👍🏻🔸鹽酥雞扒份量好足嘅酥脆炸雞扒，好有台灣夜市風味。打邊爐途中好多二至三人，甚至一人嘅客人入座，一人一鍋咁多配料好方便。埋單二百鬆啲一個人，食到捧住個肚走，好過自己買料。地方又近住宅，啱晒附近嘅街坊。