茶茶台式料理 (已結業)

收工去旺角行街，經過呢間茶茶台式料理，見到晚市台式一人火鍋好吸引，而且仲有多款選擇，一於試下先～一人火鍋有齊招牌臭臭鍋、茶茶麻辣鍋、沙茶牛肉鍋、藥膳雞鍋、酸菜肥牛鍋。揀咗藥膳雞鍋，一上枱就聞到好香濃既藥材味，大量配料好足料！有成過十款材料架！雞肉食落好嫩滑，仲有大大舊鳴門卷、 炸魚皮等，仲有好多唔同種類既菜，真係超豐富～涼拌手撕雞另外叫咗個小食，去骨手撕雞食落夠哂方便，雞皮好爽滑，加上麻醬特別開胃，正！蜂蜜綠妍清爽茶底飲落透心涼。