幸福鍋 (已結業)

而家越嚟越多台式火鍋放題分店，不過一個人去嘅話就會太多，根本食唔晒唔同嘅嘢食，而且感覺都唔抵，因為火鍋放題啱一大班人約埋一齊食開心吓。今次見到網上好多人講一間喺西灣河太安樓嘅台式火鍋店，佢主打一人小鍋。除此之外都有一啲台式小食。一個人嚟食嘅話其實淨係嗌一個一人火鍋已經夠。咁多人講臭臭鍋，其實未食過，唔知係乜嘢，一於就今次試吓啦。原來臭臭鍋淨係有臭豆腐嘅火鍋，仲要係麻辣湯底，小辣都已經好辣，如果驚辣嘅朋友就要小心啦。