百芳池上便當 (希慎廣場)

營業中

休息中

於銅鑼灣逛逛逛，逛到晚飯時間，於希慎廣場 food court 搵到台灣美食~《百芳池上便當》，上到11樓行入啲轉個彎就見到。鹽酥雞便當~ 好可愛的圓型便當盒，除了主角鹽酥雞，配料有鹵水蛋、粟米、肉碎粉絲等，仲一個不得不提的是既可口又爽口的菜脯，味道好正！鹽酥雞啱啱炸起，件件脆卜卜，鹽酥鹹味剛剛好，味道好吸引。台灣夜市香腸~台灣香腸肥美好食人人知，但這個食落不算肥膩，一件接住一件吃不停。紅燒牛丸牛筋麵~這個紅燒只是輕辣，一般人絕對可以接受，湯底味道香濃，附有一大湯羹酸菜，提升整個湯麵的層次感。牛筋有多件，好淋好滑，骨膠原豐富補關節，牛丸爽口彈牙，配有一兩件紅蘿蔔、白蘿蔔；採用粗麵，麵質爽口，放湯浸了一段時間也不會太淋，依然爽滑。珍珠奶茶~這個珍珠奶茶珍珠味比較強烈，奶茶冇叫少甜都唔會好甜。紅豆奶茶~ 紅豆有益，配奶茶都非常夾，好好飲。