囍筷 (已結業)

今日lunch跟同事都冇帶飯，所以就出左去睇下有咩食，但是lunch的時段間間餐廳都好多人，見這間小店有台式便當賣，所以就決定跟同事買返公司食!這小店舖仔細細，但估唔到有好多OL都黎到呢度賣外賣返公司食，去到小店時枱上已放滿一袋袋等待拎走的外賣!看看餐牌，上面有幾款不同的套餐，而每款套餐都配有飲品一杯!囍筷咸水雞涼盤配時菜，這款是同事點的，咸水雞像手撕雞，好夠鹽味，醬汁帶有少少酸辣，幾開胃!時菜配有西蘭花、青瓜、菇、紅蘿蔔等，幾爽口!滷肉飯配有滷肉外，還有台式香腸半條、蛋角、酸瓜和漬物，都幾豐富!鹽酥雞配滷肉飯，監酥雞唔會炸得好乾，椒鹽都好夠，味道剛剛好!而滷肉飯配有的蛋角是菜圃蛋角，幾有咬口，滷肉是半肥瘦的，食落又唔會太油膩!冬瓜茶好香濃，但是又唔會太甜!紅茶，由於其他兩款茶都賣完了，所以點了紅茶，紅茶少少甜，有紅茶的澀味，都唔錯!銅鑼灣多寫字樓，叫下這些外賣回公司吃都不錯，省去等位的時間!