百芳池上便當 (大河道) (已搬遷) 新店位置

如果想食得快當然係食快食，但如果想質素好味，這裡可能又係一個選擇，同朋友行完Aeon 超市，想食埋飯先回家時。見到佢嘅餐有我最愛嘅香酥炸雞腿便當，因見到人地食緊大大隻好吸引！當然還要加埋杯人氣嘅芝士奶蓋紅莓果茶先係最佳配搭！先付款再等，坐低慢慢等(其實出得好快)，上枱飲品同個便當一齊來！大大隻炸雞腿同飯分開上，而個飯上有滷蛋、粟米粒、台式滷肉、菜同粉絲等鋪滿了個飯，當然第一時間就係先食了隻香炸雞腿，炸得十分香脆，皮薄肉嫩，十分滿意！而個彈牙煙韌嘅飯加埋配菜亦十分好味！而杯奶蓋紅莓果茶亦十分出色，奶蓋夠晒香滑濃郁奶味！而紅莓茶味亦十分出色香濃，食完炸雞腿再加啖茶爽！朋友就點了台灣焢肉便當，朋友喜歡個種台式煮法，焢肉大大塊之餘，入口十分軟淋軟熟，加埋夾雜住肥美嘅軟滑嘅脂肪入口更滑溜！同埋加埋杯黑糖珍珠仙草鮮奶加埋布丁，香濃嘅黑糖味道加上解暑仙草同煙韌嘅珍珠，真係多重口感！我再追加了個台式香腸，煎得十分香口，入口香脆，好有在台感覺！快飯快出，不停都有人買外賣回家，抵食！