台北人 (已結業)

今日想食台灣便當,  所以喺台北人買咗便當外賣食！ 黃埔站a出口步行一分鐘就到！阿嬤便當有八款選擇，  我就揀咗台式蝦捲便當 ！ 有椰菜，粉絲，粟米，蛋，蝦卷同埋飯！ 蝦卷有四條， 食得出有鮮味， 甜甜地，粉絲就比較辣，  但係連埋粟米同椰菜一齊食，  就中和返辣嘅程度！  粟米爽脆，  椰菜比較鮮甜淋身！ 台式小食有好多款式，又有臭豆腐，見到有鹹酥雞都好吸引所以就揀咗！ 鹹酥雞有多粒係用雞胸肉做嘅 ， 所以會比較鞋身但係都相對比較健康， 醃得好入味，炸得脆卜卜 ，好惹味！ 便當會送15蚊飲品(冬瓜茶), 升級特製飲品補差價即可！特製飲品阿嬤QQ果鮮奶茶 🤩奶茶味道濃沃但又不會太甜而且有啫喱，好彈牙有口感！🥰