影片
更多
2022-01-20
191 瀏覽
Lunch同同事行咗去寶石戲院嗰邊買嘢食，我哋今日幫襯咗你妳，佢最近推出咗新套餐組合，可以試下。店舖面積雖細，但都有裝修得靚靚。佢嘅招牌套餐最抵食，由$45至$58不等，而且仲包飲品。我哋再加埋小食，拎到返去攞出嚟好似開Party咁，多嘢到都唔知食邊樣先好，哈哈。🍗鹽酥天使雞排便當($58)🍗便當啱哂男仔食，因為有大大碗魯肉飯，份量十足，當中仲包魯蛋半隻以及兩款配菜，今日係酸菜同木耳粟米粒。魯肉香而不膩，肥肉部份軟綿。原來鹽酥天使雞排係另上，咁就實在太好了，因為唔會佔上飯粒，能保持乾身。雞扒超正，好食過X大大嗰啲勁多，炸皮酥脆無比，雞肉厚身嫩滑，不過始終係炸就有少少油。🍜台式牛肉麵($55/轉麻辣+$5)🍜牛肉麵又係會主動分湯上，抵讚。湯底有三款可選，分別係紅燒、蕃茄同麻辣，我要咗後者。湯頭偏深色，唔算好油，食落確係帶微微辣，但並非麻辣火鍋咁火紅同多辣椒籽，反而係重藥膳味，既特別又暖胃。牛肉有成五大件，肉質唔嚡，但有咬口，另外仲有小白菜、魯蛋同酸菜粒，酸菜粒爽脆唔臭，下次要嗌大量。麵底都OK，並無浸泡，保持彈性。🍳單口味蛋餅(+$15)🍳蛋餅有得揀口味，例如肉鬆、芝士、粟米等，不過加配
佢嘅招牌套餐最抵食，由$45至$58不等，而且仲包飲品。我哋再加埋小食，拎到返去攞出嚟好似開Party咁，多嘢到都唔知食邊樣先好，哈哈。
🍗鹽酥天使雞排便當($58)🍗便當啱哂男仔食，因為有大大碗魯肉飯，份量十足，當中仲包魯蛋半隻以及兩款配菜，今日係酸菜同木耳粟米粒。魯肉香而不膩，肥肉部份軟綿。原來鹽酥天使雞排係另上，咁就實在太好了，因為唔會佔上飯粒，能保持乾身。雞扒超正，好食過X大大嗰啲勁多，炸皮酥脆無比，雞肉厚身嫩滑，不過始終係炸就有少少油。
🍜台式牛肉麵($55/轉麻辣+$5)🍜
牛肉麵又係會主動分湯上，抵讚。湯底有三款可選，分別係紅燒、蕃茄同麻辣，我要咗後者。湯頭偏深色，唔算好油，食落確係帶微微辣，但並非麻辣火鍋咁火紅同多辣椒籽，反而係重藥膳味，既特別又暖胃。牛肉有成五大件，肉質唔嚡，但有咬口，另外仲有小白菜、魯蛋同酸菜粒，酸菜粒爽脆唔臭，下次要嗌大量。麵底都OK，並無浸泡，保持彈性。
🍳單口味蛋餅(+$15)🍳
蛋餅有得揀口味，例如肉鬆、芝士、粟米等，不過加配只可跟一款配料就有啲可惜，我寧願佢俾我加錢要多款。蛋餅好飽肚，薄餅皮包住蛋層，再包芝士，芝士熱辣辣不乏拉絲效果，但感覺差緊啲乜咁，可能係肉鬆。
🦑澎湖花枝丸($19)🦑
花枝丸正正常常，想食就嗌埋，但單點小食就比起套餐無咁優惠，少貴，下次都係嗌返餐。花枝丸大大粒，外脆炸至金黃，撒上淮鹽調味。
午餐奉送台式飲品，唔使加錢嘅款式都有好多，我哋要咗白桃烏龍茶同埋古早冬瓜茶，同事話前者幾好，白桃味顯著，但稍甜。而我就唔係第一次飲佢嘅冬瓜茶，每次都無令我失望，味道又甜又清香，穩定地高水準。
每人消費$70，就食到咁飽，好似放題咁，好鬼開心，下次嗌多個人食，食埋甜品就Perfect，但點都好，小店值得推介！
張貼
