台灣館 (已結業)

唔講唔知其實得寶商場都有好多隱世餐廳， 今次肥雞同朋友就去咗食呢間台灣館做晚餐 。 咁肥雞就嗌咗佢嘅黃金蝦球，豆莢炒蝦球同埋嗌咗個蔥爆牛肉，雖然嗌啲小菜係非常之道地同埋家常，但係呢淨係呢啲小菜就可以試到一間餐廳嘅真功夫。先講佢嘅出蔥爆牛肉， 牛肉嫩滑爽口，配上鑊氣十足嘅薑蔥，沙茶醬入口非常之爽口， 送飯一流。佢金沙蝦球鹹香嘅鹹蛋黃醬，用牛油爆香再果上肉質飽滿嘅蝦球，配埋清爽嘅西蘭花中和番茄鹹味。佢嘅豆莢炒蝦球又係非常之出色，蔬菜爽口， 呢餐肥雞同朋友吹水同埋食飯都覺得好開心。