米拉 (已結業)

觀塘東廣場真係好多野食，今次就試左米拉呢間台式小店睇下有無台灣既味道！本身諗住食佢個費城芝士牛肉包，點知無係有少少sad既。諗左一陣，我最後試左米拉招牌雜錦米粉（$42），雜錦有花枝魷魚丸、貢丸、鹵汁雞翼、雞腎、鴨胸同鹵蛋，鴨胸好淋，雞翼好入味同雞腎好爽口，米粉係用新竹米粉，米粉好滑而唔鞋口，同台灣既麵線口感好似，加上米粉份量好多，堅飽！仲加左個台式香腸（$11），老闆細心地切左件上，方便入口。煎香左既腸都幾脆口，唔錯！飲品方面飲左個仙草凍鮮奶（$19），出面都比較少有得飲淨牛奶既台式飲品，多數都係奶茶（但其實台灣好興淨鮮奶加珍珠等配料），呢個我都幾鐘意，因為鮮奶夠凍而且仙草份量都幾多，簡簡單單好過飲珍珠奶茶啦，試下新野嘛！總括黎講都幾有台灣既味道，米粉都幾好味，下次要試返個芝士牛肉包先。