臺坊 (加拿分道) (已結業)

忽然間好想食台灣菜 出開尖沙咀就搵下有啲咩台灣菜可以食🤤見到依間餐廳感覺好似唔錯咁就一於去試下 入面都幾有台灣風味 貼左啲台灣當地嘅相 令你覺得去唔到當地都可以食下當地嘅野食炸芋球即叫即炸 入面既芋頭涵好豐富 咬落去外脆內軟 入面既芋頭好香口炸雞扒冷麵雞扒好大塊 而且炸粉唔算厚 雞扒肉質好嫩 好厚切 咬落去肉汁又夠多 配埋彈牙既冷麵同麻汁 開胃得來又好食 配菜仲有青瓜同蟹柳 食落感覺好清新 唔錯既一個冷麵 咁熱嘅天氣有時唔多想食熱辣辣嘅野食 依啲就岩岩好啦