桃園眷村 (已結業)

來自上海連鎖早餐品牌，主打台式早點， 走樸實文藝風，幾年前在上海開張不久已被社交媒體追捧。舊年年尾正式登陸香港。喺朗豪坊睇完戲，就感受一下無糖豆漿，無糖已經好好飲，豆漿好柔滑，豆味好香。至於紅棗豆漿，加咗紅棗，感覺好補，紅棗味帶甜，幾特別肉燥滷蛋飯糰，薰肉蔥蛋飯糰，飯糰煙煙靭靭，裡面嘅油炸鬼好脆，加埋蔥花，肉燥， 燻肉，滷蛋，餡料好豐富，但又唔會覺得滯叫咗三款燒餅，我最鍾意食燒餅油條蛋，因為我鍾意脆卜卜嘅油炸鬼，加上好香芝麻味嘅燒餅，好夾。至於疏果沙律燒餅，清清地，都唔錯。豬扒蛋燒餅，豬扒煎得好香， 加埋蛋同生菜，好食呀鹹豆腐花，甜豆腐花周圍都有得食，鹹嘅就唔同啦，所以點都要試下。豆腐花面鋪滿蝦皮，菜脯，蔥花，紫菜，賣相好靚呀 ! 食落去豆腐花滑滑，加埋鹹香味嘅配料，又鹹又甜，好味喎唔使到上海，又唔使去台灣，只要你去朗豪坊，就可以感受呢股台式文青feel啦!