小伊甸 (已結業)

星期一約左朋友食lunch，朋友在觀塘返工，好彩可以預先訂位，因為lunch time都幾full架!!店名叫「小伊甸」，在觀塘工業大廈入面（第四期），有一種世外桃園既感覺餐廳設有星期一至星期六既午飯菜單，都有啲唔同架😊我就叫左最能代表台灣既肉燥飯拼醬汁魚肉春卷+胚芽奶茶，胚芽奶茶原來係「賞茶」朋友就叫左紫洋蔥蕃茄焗飯。一碗肉燥飯分量同屋企飯碗差不多，味道覺得可以濃啲，不過醬汁魚肉春卷味道岩我，可以送飯食另外仲有青瓜、芽菜、滷蛋既配菜。