別忘了

營業中

休息中

今次同表姐慶祝生日，響荃灣行街經過商場見到呢間新開嘅台式火鍋餐廳，餐廳佈置得好靚，有櫻花嘅裝飾就入去試吓。我哋揀咗Set B -M7澳洲和牛120分鐘套餐價錢$298 加一，如果現場即時登記Apps做會員，仲可以減$20 同儲分，呢度有九款唔同嘅湯底，仲可以每人一款湯底鴛鴦鍋唔使另外加錢，不過我哋兩表姊妹都係辣妹，所以我哋兩邊都叫咗麻辣鍋😹。佢哋首先會出兩碟牛同埋一碟豬俾我哋試吓先，之後再喺QR code嗰度自己落單，有好多台式飲品全部都係免費包括左珍珠奶茶，菠蘿梳打，芒果梳打等等嘅台式飲品，我前後飲咗兩杯珍珠奶茶，加埋一杯芒果梳打😂呢度出邊仲有其他蔬菜、菇類嘅款式俾你揀，仲有啲熱食包括左炸薯條、炸薯條、炸香芋丸、炸魚皮及響鈴等等，而甜品方面可以揀雪花冰、日本布甸、仲有三款唔同嘅窩夫，每人仲可以叫一杯Movenpick嘅雪糕。整體來講呢度坐得幾舒服，星期六日不用另外加錢，又有櫻花樹可以打卡同埋掛願望卡，而且坐位都比較舒適，唔會太迫性價比唔錯，下次可以再嚟試吓其他湯底。