養心殿台式養生鍋 (已結業)

話說屋企人想去打邊爐，所以搵咗一間一直都好想食嘅台式火鍋。環境古色古香!先叫咗一個美人鍋湯底，湯底有滋陰藥材，南棗、桃膠、原隻竹絲雞等等，湯底份量十足兼且夠哂養生，啱晒媽媽嘅口味。手切牛肉可以見到牛肉油脂分佈好平均，煮熟後肉質口感滑嫩，肥美適中，值得再點!千層凍豆腐凍豆腐唔係平時見到光滑表面咁，不過紋理細致，吸飽美人湯後非常的美味。蟶子蟶子王好大隻又新鮮，食落爽口鮮甜!手工丸拼盤一共有6款共12粒，例如梅菜豬肉丸、芝士牛肉丸、黑松露蝦丸、鵝肝丸等，個人認為黑松露蝦丸唔錯，香味非常突出兼且好彈牙。鮮甜三蔬有山藥、秋葵同甜粟米餃子拼盤一共有6款12粒，有韮菜餃、魚皮餃、鮮蝦雲吞等。個人最鐘意麻辣牛肉餃！一咬超香辣椒味，牛肉肉汁亦湧出黎，而且餃皮帶美人湯味。紫淮山麵接近最後就當然要叫個麵啦，所以就點咗呢個紫淮山麵黎吸收湯底精華仲有紫淮山係健脾養肺，夠哂養生～麵質既爽又彈!雜錦蔬菜盤最後每人送一碗綠豆芋圓甜湯芋圓煙韌，綠豆湯清甜潤一潤，就算打完邊爐都唔覺得熱氣～