鼎王麻辣鍋 (The LOHAS) (已結業)

平日晚上嚟到鼎王係康城嘅分店，都有唔少人。2個人點咗雙併湯底，分別係小酸同小辣。呢個辣度配埋店家係醬料區提供嘅酸醬，剛好可以食到。麻辣湯底任食嘅豆腐同鴨血真係好好食。鴨血超大件。白肉點埋醬料區嘅腐乳醬真係好夾。配料選咗安格斯肥牛同埋羊肉。羊肉唔會好穌，個人嚟講覺得牛肉比較好味。蛋餃係食台式火鍋必點之一，呢度份量大隻之餘仲好多隻。蟹滑係第一次食，都唔錯，好足料。另外仲點咗一份白菜。嘢飲點咗一杓低糖茉莉茶。甜到好自然，淡淡茶香。臨走前仍然8成滿,果然係人氣火鍋店。