馬辣台式鴛鴦火鍋 (大鴻輝(荃灣)中心) (已結業)

今日去咗食台式火鍋放題，全部劃一價錢，又不同牛肉選擇，唔使加錢都可以揀海洋，包括有蝦、蜆、脆肉鯇魚。鴛鴦湯底都唔使加錢，真係唔係間間有。牛肉質素高，好有肉味，上菜上得快，唔駛等好耐。真係超值！有好多食物選擇，牛丸、貢丸、魚蛋、芝士丸等等。最鍾意啲菜係一碗碗自己攞，唔使夾到周圍都係，菜心非常甜。最鍾意佢有好多甜品選擇，有Dryers雪糕,仲有唔同口味選擇，有芒果、曲奇同埋士多啤梨。另外有gelato • 最鍾意佢嘅綠茶布丁，綠茶味非常濃。