台北東南台式火鍋 (渣打銀行大廈) (已結業)

好耐冇落新蒲崗行下啦，今日我地行完街順便係附近搵食。我地去左台北東南台式火鍋打邊爐。餐廳主打台式火鍋，除左火鍋，以到最特別就係有多款台式夜市小食—鹽酥雞、炸花枝丸、炸雞翼、炸甜不辣等等。台灣豪華呷到飽120分鐘 $358（另加一服務費），可以食到澳洲M5霜降和牛。湯底有6款選擇，有辣有唔辣，我地簡左養生花膠雞湯鍋，最正入面有大大夠花膠、雞、冬瓜，以到既湯底可似飲，所以我地襯未打邊爐前可以飲返碗湯，味道清甜。肉類有多款選擇，有澳洲M5霜降M5和牛，美國認證頂級安格斯雪花牛小排、美國精選級安格斯肩胛翼板等等，以3款質素相當唔錯，其中牛小排肉質軟腍，我地encore 左好多次，除左牛肉，亦有雞肉、豬肉和羊肉可以選擇。以到既海鮮都好出色，係其他餐廳好小見的翡翠螺、墨魚仔、帶殼飽魚，隻隻都大大隻，另外沙白和海蝦都好新鮮。台式小食多款選擇，炸花枝丸、炸台灣小香腸、夜市鹽酥雞，新鮮熱辣辣炸起，另外肉鬆蛋餅有驚喜，甜甜地咸咸地，估唔到咁好食，小食都做得非常出色。除左QR 落單，自助吧都有多款火鍋配料、甜品、雪糕、飲品、啤酒都係任飲任食。