227甜棧 (已結業)

元宵節嗰日同friend去食糖水，黎左呢度食。嗰晚9點左右到，少少full，等左一陣先有位。我地兩個都嗌左自選mix and match嘅糖水，我嗰碗係鴛鴦豆腐花配紫米、小圓子同綜合圓，總共$37。我個friend嗰碗就係涼粉蕃薯加小圓子，總共$31。為左應節，我地另外仲叫左湯圓，$10碗，有兩粒。雖然呢間甜品選擇好多，但係味道就一般般啦，唔係特別好食，只係望落幾好睇咁。雖然睇落三十幾蚊左右唔算好貴，但係諗真d，其實佢份量好少，綜合圓六款每樣得一粒，小圓子都係六粒，紫米其實係兩匙羹左右，我friend嗰碗都係，其實蕃薯得3舊仔，所以其實唔係真係咁抵食。整體黎講一般般，唔係特別推介，同區有其他更好嘅選擇。