鮮芋仙 (V Point )

營業中

休息中

踏入6月尾，天氣開始勁熱，係戶外一陣已經熱到出晒汗，咁就係時候食多d冰涼既甜品消下暑😋。鮮芋仙相信大家都有聽過，佢係一個台式甜品品牌，主打芋圓，仙草同豆花系列，成日都見到大排長龍。 🍴招牌仙草冰沙$45有仙草冰沙、仙草凍、雙色芋圓，同埋一杯奶仔，成個配搭好和諧，份量好大碗，2個人share都夠食，仙草冰沙超級透心涼，真材實料用仙草汁雪凍而成，黑糖糖水唔會太甜，仙草凍滑溜，食到有特殊既仙草味，芋圓口感煙韌，就算係冰凍既都唔會硬晒🤩。