洪師父牛肉麵

營業中

休息中

東薈城實在係行山人士既必經既補給站，呢一日由大澳行番出黎東涌，已經飢腸轆轆，決定喺度隨便搵間餐廳歇歇腳，食個優閒下午茶。煙肉芝士肉鬆蛋餅配滷肉飯似乎係勁量之選，有兩樣飽肚既野，蛋餅既餡料豐富，多到漏出黎，附上既甜醬汁畫龍點睛，令蛋餅更滋味。其實蛋餅算係一樣考耐性既食物，煎耐左就會變得太硬，而家軟硬適中唔錯。另外滷肉飯有半肥瘦既肉粒，滷汁香甜適宜下飯。Q版紅燒牛肉麵有齊牛筋同牛腩，夠軟腍，少許帶辣，而粗麵條唔會煮到太糊口。檸檬綠茶及冬瓜茶都清甜解喝。