老鍋台式火鍋 (京都廣場) (已結業)

今次上網睇到呢間, 係銅鑼灣既中心位, 好易去, 環境乾淨, 座位都好寬闊。 同朋友叫左兩個大鍋,一個係老鍋秘製麻辣鍋, 一個係膠原蛋白美人鍋, 膠原蛋白美人鍋原隻竹絲雞上, 雞肉唔柴, 湯裡面仲有紅棗, 桃膠, 菇, 打邊爐前真係要飲頭啖湯先, 好正。養生完就要打大佬, 老鍋秘製麻辣鍋,好在佢有得選辣度, 有小. 中, 大辣, 我地梗係叫個小辣啦,見到叫左小辣都係好紅架個湯底,仲要有好多豆腐係裡面, 吸哂D精華,香麻香麻都幾惹味。我地仲叫左極上牛魔皇, 豬肉片, 菜, 蟲草花, 蝦, 帶子, 魚等等,呢度既食材都幾好，極上牛魔皇真係好食, 油花分佈好靚, 嫩滑。打邊爐一定要飲番杯台灣啤酒, 完滿。