八方雲集鍋貼水餃專門店 (已結業)

8月30日, 今日黎到灣仔, 去咗食我鍾意嘅鍋貼, 不知不覺呢間台灣嘅過江龍都開咗唔少分店, 都唔少人食, 香港嘅飲食要加油才行!::: 招牌鍋貼 + 粟米湯 ::: $26黎到冇可能唔食鍋貼, 以外地食品來講 $26有湯有肉已經係好平~ 鍋貼10隻煎好就一併咁鏟起上碟, 果然係招牌菜, 見到鍋貼底少少燶脆脆地, 十分香口~ 裏面菜肉均勻, 色澤光鮮, 用料雖說不上新鮮, 但係唔會差, 味道好過d乜乜鍋貼大王~粟米湯雖然好普通, 但係材料豐富, 有粟米, 火腿絲, 蘿蔔絲, 每一啖都可以食到, 唔會齋湯, 缺點在於唔夠熱, 只係微暖… ::: 蚵仔大腸麵線 ::: $16因為想再食鍋貼以外嘅, 所以就叫咗同是台灣招牌之一嘅蚵仔麵線~ 可惜麵線太碎, 蚵仔又過腥, 比較正常嘅係大腸… 另外面頭凍而內裏熱, 應該係一早擺咗喺度, 一定要再撈下先得… 總括呢個係唔合格…要講環境, 一定要提佢地嘅冷氣過凍, 唔單止人凍, 仲令到d 湯同麵線都好快放涼, 非常差… 另外, 除咗鍋貼之外我諗都唔會食其他野, 都係集中一樣好, 所以為咗食鍋貼我都會再黎, 這笑面係俾鍋貼only…題外話, 見到個錯別