洪家手作 洪瑞珍三明治 (已結業)

香港都有得賣洪瑞珍嘅三文治啦！除咗可以係觀塘工場買之外，水晶屋都可以買到！之前喺台灣食過覺得好好食，今次就試吓香港有冇唔同先！今次買咗五款口味，買六件嘅話每件$20，我揀咗滿漢、招牌芝士、招牌火腿、藍莓、士多啤梨。每件三文治都會有小小偏甜嘅感覺，感覺上似係沙律醬加咗少少砂糖，味道特別，好似台灣口味！三文治每日新鮮製造，食得出麵包真係好鬆軟！雖然每一件三文治都有三層，好似好大份咁，但係食食吓其實好滋味！個人私心推介滿漢同士多啤梨，食落口感豐富，甜甜地咁好啱我口味。雖然加咗芝士同火腿感覺會覺得又咸又甜，不過唔會唔夾架！