小台南 (已結業)

🥢雞絲粉皮 $38除咗有麻醬嘅香甜，仲有少少麻油嘅香味。粉皮香滑得嚟又Q彈。🥢塔香椒鹽鮮蚵仔 $42蚵仔份量好多，而且仲厚肉多汁。鹽酥調味料味道鹹香，配上辣椒醬更惹味。🥢唐揚炸魷魚 $42鮮魷魚彈牙又鮮甜，炸粉薄薄一層香脆唔油膩。🥢古早味牛肉麵 $58可選番茄/牛骨/麻辣湯底。今次試咗番茄湯🍅，酸甜清新，味道天然。牛肋條煮得軟腍入味。🥢香茜魚蓉羹 $30魚羹魚多粉少，食到啖啖魚肉甜味。芫茜份量唔算多，但湯頭茜味比想像中濃。🧋抹茶珍珠奶蓋 $30奶蓋口感豐盈，抹茶味好香又唔澀。珍珠夠Q彈。