你妳 (運通洋樓) (已結業)

今日在荃灣見完客，又到lunch嘅時段，肚仔又開始叫餓，見到‘’你妳‘’，好獨特的名字，不如入去試吓啦！店子不算太大，但裝修簡潔溫馨， 瀰漫著一股台灣氣息，好懷念啊！Menu 選擇有台式牛肉麵 ，魯肉飯，台式便當， 鹽酥系列 ，仙草系列，甜湯系列和台式特飲等， 最特別是有鐵板手作芋泥吐司，下次一定試吓。台南鮮蝦卷$45~表面炸得金黃香脆，蝦肉鮮甜美味，配甜酸醬十分美味。燙青菜滷肉汁$28~ 白灼生菜新鮮翠綠，配上鹵水豆腐卜和滷肉汁滋味無窮。台灣牛肉湯麵$68~麵質爽彈，牛肉肉質爽實，牛味濃郁，配上一隻半熟流心蛋，正！