台灣麵 (已結業)

今日放假，去九龍灣行街街，之後去了九龍灣展貿中心，看看有冇什麼outlet貨品啱買。行到咁上下，梗係要搵食啦，我好耐冇飲珍珠奶茶，所以就去咗“台灣麵"食。餐廳有樣特別，就係可以叫雙拼，一個碗有兩樣食物，最啱我咁多心既人，我叫咗個鹵肉蛋飯併香蒜雞翼新竹米粉。 滷肉一片片，比較'鞋'，另外肉碎尚可，不過汁太多，食到尾，好似d飯仲有好多汁~香蒜雞翼炸得很香，新竹米粉幼幼地，係我至愛。朋友叫咗紅燒牛筋腩麵， 辣油係表面都見到，見到都覺得辣呀! 朋友食落話少少辣，不過牛筋腩都算淋，牛肉湯味香濃。小朋友叫了清湯牛肉麵，佢食食下都話啲牛肉好辣，食唔到， 只係食到啲麵。跟餐叫了兩杯珍珠奶茶，我哋叫少甜，味道啱啱好，珍珠好煙韌，都唔錯。呢度價錢平民化，不過食物質素就一般般。