御升台之源 (已結業)

今晚約左個住元朗既朋友食飯，佢揀左呢間「御升台之源」，位於形點1期，西鐵站一出就係，勁方便！台式餐點選擇多，價錢相宜，好抵食！麻辣蕃茄紅燒牛肉麵 湯底濃厚帶麻辣香，飲落有牛肉香味，加入蕃茄酸辣又開胃！紅燒牛肉軟腍唔乾柴，麵條煙韌爽滑仲好掛汁！追加滷豆腐，厚度十足，嫩滑入味。鹽酥雞肉燥飯鮮嫩多汁既鹽酥雞好惹味，肉質軟嫩Q彈，口感酥脆！配以細緻甘甜又鹹香既肉燥，拌飯一流，勁惹味！！套餐小食揀左酥炸花枝丸、麻辣涼拌豬耳，大大粒花枝丸香酥彈牙，咬開鮮嫩多汁；涼拌豬耳脆韌有嚼勁，富含膠質、鮮香不膩。夜市小食揀左台灣香腸同美味甘梅地瓜，台灣香腸肥瘦適中，鹹香十足，口感厚實，金黃色賣相好吸引，咬開係綿密細緻既地瓜，正。珍珠奶茶Q彈軟綿既珍珠好有咬口，奶茶馥郁好順口。百香果綠茶綠茶清香解膩，配百香果酸酸甜甜好滋味。甜品揀左兩款：芋圓仙草凍配紅豆、薏仁、紫薯泥球芋圓仙草凍配紅豆、爆珠、芋泥球仙草柔軟嫩滑，芋圓煙韌Q彈，紅豆綿滑、薏仁爆珠都好有咬口，紫薯泥球香甜、芋泥球入口順滑。