輕鬆小站 (已搬遷) 新店位置

帶仔仔去popcorn玩完，諗住搵個地方休息下就見到cookedDeli by city'super，於是就打算去坐下。同尖沙咀果間唔同，係無咩人嘅，環境亦舒服。行左個圈，揀左輕鬆小站，感覺比較飽肚。 茶梅冰糖滷豬手湯麵 $53 揀左粗麵，幾有口感。湯幾驚花椒味，我唔太鐘意。豬手味道OK，不過量唔多。最like d茶梅，酸酸地好食，可惜得好少。套餐送飲品，揀左熱金桔檸檬，勁濃味，還可以，唔可以講係好飲雞絲燥肉飯 $53飯量夠。燥肉入味，有好多肉粒。雞絲清清地，配濃味燥肉係OK ge。配2條菜同半隻滷蛋。覺得幾全面。一樣有送飲品，揀左熱青蘋果綠茶。未見過咁綠既蘋果綠茶，杯底有綠茶粉，但味道有d酸同唿，可能凍飲會正常d。豆腐花$10（跟餐優惠）幾滑同軟，有淡淡荳味，不過配了桂花糖，有桂花香，加分不少。好味。