影片
更多
2020-01-21
107 瀏覽
因為係D2 PLACE有市集, 所以荔枝角有好多好多人 !!夜晚一收工就去左, 順便食晚餐, 行下街~一出站就見到一間餐廳---「台站」大排長龍,見到係黃店當然要支持支持!!雖然店裡面只得一張長檯, 但因為餐廳主要做外賣, 食物好輕巧 , 而且大家都會互相禮讓, 感覺好好~ 我地叫既食物都算多: 1.古早味鹵肉飯/ 蔥油拌麵($29/$25)味道唔會濃味, 就算鹵肉飯有好多肥豬肉, 拌麵落左油, 食多幾啖都唔覺heavy~ 鹵肉都幾焾, 夠多肥肉哈哈!! 而蔥油拌麵唔會太油, 麵質幾彈, 填飽肚之選~2.台式肉鬆蛋捲餅($25) 個人認為捲餅係所有野食裡面最好食既。本身就咁薄餅都已經好食, 加埋肉鬆同蛋, 拎捲餅更香, 増添左口感。薄餅煎得岩岩好, 小小脆又保留左煙韌口感, 不錯!3.花雕雞卷($18)酒味不濃, 只有淡淡酒香, 食落酒味會慢慢散發出黎, 平時唔飲酒既我都接受得到! 雞卷幾焾, 有小小似食豬手, 重點係完全無骨啖啖肉!!
因為係D2 PLACE有市集, 所以荔枝角有好多好多人 !!夜晚一收工就去左, 順便食晚餐, 行下街~
一出站就見到一間餐廳---「台站」大排長龍,
見到係黃店當然要支持支持!!
雖然店裡面只得一張長檯, 但因為餐廳主要做外賣, 食物好輕巧 , 而且大家都會互相禮讓, 感覺好好~ 我地叫既食物都算多:
1.古早味鹵肉飯/ 蔥油拌麵($29/$25)
味道唔會濃味, 就算鹵肉飯有好多肥豬肉, 拌麵落左油, 食多幾啖都唔覺heavy~ 鹵肉都幾焾, 夠多肥肉哈哈!! 而蔥油拌麵唔會太油, 麵質幾彈, 填飽肚之選~
2.台式肉鬆蛋捲餅($25)
個人認為捲餅係所有野食裡面最好食既。本身就咁薄餅都已經好食, 加埋肉鬆同蛋, 拎捲餅更香, 増添左口感。薄餅煎得岩岩好, 小小脆又保留左煙韌口感, 不錯!
3.花雕雞卷($18)
酒味不濃, 只有淡淡酒香, 食落酒味會慢慢散發出黎, 平時唔飲酒既我都接受得到! 雞卷幾焾, 有小小似食豬手, 重點係完全無骨啖啖肉!!
張貼
