茶木‧台式休閒餐廳 (已結業)

今日行開兆萬，見餓餓地想食d嘢，見到原來呢到都有茶木，真係愈開愈多就上左去食，原來呢度成層都係茶木，坐得好舒服!!天氣咁熱🌞，一坐低就想飲杯勁凍嘅嘢🌬🌬就叫左杯菲芒沙冰，一飲落去，透心涼芒果有夠甜，cream有甜，完全冇酸味，真係好甜。之前有食過肉燥飯，但係就冇食過肉燥麵，所以今次就是食肉燥麵。入面除咗肉燥之外，仲有花生青瓜同芫荽，都係啲開胃嘅小食，係啲咁熱嘅天氣，食呢d真係會令到心情好啲。麵係粗麵，煙韌又夠滑。湯係好濃既肉湯之前以為呢個菜係會清清地嘅，點知原來好惹味。首先一嚟到已經聞到好香既椒味，但係味道一啲都唔辣，反而好開胃。夏天點可以冇甜品呢，士多啤梨雪糕，味道酸酸甜甜，特別鍾意食嗰條朱古力棒，又脆又甜。士多啤梨奶凍有好重嘅牛奶味，但係又唔會好酸。食完覺得好滿足