影片
更多
2019-03-31
115 瀏覽
放工搵個地方飲杯嘢，但又唔想整日飲酒，見到呢間台式酒吧咁多人排隊，即管轉場嚟傾計吹水。未到7點差不多己經座無虛設，好彩我地早少少到先唔洗等咁耐，坐左無耐就發覺出面排晒長龍。坐低就叫杯嘢飲先，餐廳提供不同嘅飲品，有酒精同非酒精，仲有台式飲品，任君選擇。我地叫左一個綠豆沙牛乳同綠豆沙豆漿。望住個餐牌，見到D嘢食非常吸引，忍唔住叫D嘢咬下。台灣嘢又點少得牛肉面，呢個原條慢煮牛肋骨湯面係牛肉面嘅高級改良版，牛肋肉肉質好冧，但邊位好爽，口感更豐富。面身好Q，湯頭好甜，半份食完好想再食，早知叫全份啦。芋泥酥皮蛋捲呢個配搭好特別，台灣出名嘅大甲芋頭打成泥，夾在蛋餅之間，蛋香加芋泥嘅甜，竟然個味道係咁夾。手繪雙色鹽酥雞嘅炸雞好嫩滑，炸粉好薄好脆，雞肉好juicy，點埋柚子醬同黑松露醬味道更突出，比韓式炸雞好味。鎮店滷水拼盤有雞腎，雞軟骨，豬大腸，面根。雞軟骨同面根呢個組合好新穎，雞軟骨咬落去爽爽聲，豬大腸嘅邪惡唔洗講都知有幾咁好味，雞腎好入味，最估唔到係有面根，吸了滷水更加好味。最後見到隔離枱叫左個奶奶麻糬，玩得好過癮，我地都叫了一份。麻糬質感好好玩，黏黏地，欲斷難斷，好艱難先可以分成咁多粒。沾滿了黑
未到7點差不多己經座無虛設，好彩我地早少少到先唔洗等咁耐，坐左無耐就發覺出面排晒長龍。
坐低就叫杯嘢飲先，餐廳提供不同嘅飲品，有酒精同非酒精，仲有台式飲品，任君選擇。我地叫左一個綠豆沙牛乳同綠豆沙豆漿。
望住個餐牌，見到D嘢食非常吸引，忍唔住叫D嘢咬下。台灣嘢又點少得牛肉面，呢個原條慢煮牛肋骨湯面係牛肉面嘅高級改良版，牛肋肉肉質好冧，但邊位好爽，口感更豐富。面身好Q，湯頭好甜，半份食完好想再食，早知叫全份啦。
原條慢煮牛肋條湯面
8 瀏覽
0 讚好
0 留言
芋泥酥皮蛋捲呢個配搭好特別，台灣出名嘅大甲芋頭打成泥，夾在蛋餅之間，蛋香加芋泥嘅甜，竟然個味道係咁夾。
芋泥酥皮蛋捲
16 瀏覽
0 讚好
0 留言
手繪雙色鹽酥雞嘅炸雞好嫩滑，炸粉好薄好脆，雞肉好juicy，點埋柚子醬同黑松露醬味道更突出，比韓式炸雞好味。
鎮店滷水拼盤有雞腎，雞軟骨，豬大腸，面根。雞軟骨同面根呢個組合好新穎，雞軟骨咬落去爽爽聲，豬大腸嘅邪惡唔洗講都知有幾咁好味，雞腎好入味，最估唔到係有面根，吸了滷水更加好味。
最後見到隔離枱叫左個奶奶麻糬，玩得好過癮，我地都叫了一份。麻糬質感好好玩，黏黏地，欲斷難斷，好艱難先可以分成咁多粒。沾滿了黑芝麻的麻糬QQ的，黑芝麻嘅香，麻糬凍凍又綿綿嘅口感，係非常好食嘅甜品。
奶奶麻糬
10 瀏覽
0 讚好
0 留言
張貼
