屋喔 (已結業)

來到半年一次sogo作戰日，更係要為進入購物戰鬥mode作好準備，所以就先到對面金百利搵間餐店醫醫肚再去拼命，今次亂撞入屋喔 O'Casa。見個名咁西化就以為呢度食西餐呢？我都被fake! 坐底見到menu先知原來係食台式美食，呵呵！ 我同朋友同佢媽媽叫左二個set lunch 三人share，分適岩岩好。叫左有鹽酥雞肉燥飯、豬軟骨肉燥飯（各$64再加一）再加飲品！價錢相當經濟，而且環境十分舒適。肉燥好好食，肉粒、冬菇分量都唔少，最好用來撈飯，真係好正。豬軟骨炆到好入味，好lum，食落唔覺膩，但個鹽酥雞就麻麻地啦⋯⋯因爲攤凍晒先囉出來，食落唔香口，肉料唔嫩滑，呢到要扣分。飲品我地補錢叫左杯水果茶同洛神花山楂茶，二杯飲品上既時候都唔夠熱，放先之後雖然有蠟燭keep 煲住都係幫助唔大，而且水果茶味道一d唔出，都幾失望，好在杯洛神花山楂茶還可以，都幾好飲。