三星台菜食堂 (已結業)

魯肉飯有大/小可以選擇，見到隔離枱揀大size都真係好大份，所以我決定揀小size，起碼個胃仲有空間食小食。細細碗好可愛，魯肉飯好香，上面的魯肉好入味，而家肥瘦適中，微微的油脂溶化後令到本身的飯粒都帶有魯肉香，加埋隻溏心蛋真係perfect既配搭！另外加左份鹽酥雞小食，份量比我想像中要多，肉質好嫩滑，咬落去都幾juicy！而且我最鍾意的係鹽酥雞表面的炸粉一d都唔厚，完全唔會有油膩感。小店播的每一首都係當紅的台灣歌曲，聽住台灣的歌食台灣料理，真係完美的組合！