你妳 (已結業)

屋企附近原來有間台灣小店 呢排疫情嚴重 就買外賣試吓~作為芋頭愛好者 我首先要咗個3號套餐($65)揀咗肉鬆芋泥吐司 仙草一號 同埋無糖茉莉綠茶! 超級抵食 平時呢個價錢淨係食咗芋泥仙草都要! 肉鬆芋泥吐司嘅肉鬆足料 配埋芋泥一鹹一甜 配合得啱啱好🥰 好掛住台灣早餐店嘅蛋餅 見到呢度有芝士肉鬆蛋餅($38) 當然要嗌黎試吓 鹹鹹香香 芝士加肉鬆加蛋呢個組合一定冇錯另外仲要左個芋泥仙草大滿貫😍份量滿滿 款式豐富 見到都好開心! 有煙煙韌韌三色芋圓(即係紫薯圓 番薯圓 同埋芋圓) 另外仲有包餡芋圓 入面有有芋泥 另外仲有紅豆小布丁 水晶 同仙草 每食一啖都好似尋寶咁樣