影片
更多
2018-06-17
85 瀏覽
尼期啲台式飲品店真係開極都仲有，小編試極都試唔完😅最新一間嘅茶飲店就有來自台灣超人氣文青茶飲店 － 木衛二。木衛二本身係一間嚟自淡水嘅小茶館，不過就越早越大，竟然係今個月月頭進駐香港。店舖行嘅係中高檔路線，所以飲品嘅價錢都會偏向比較貴少少，由＄22至＄44不等，可以另外加錢叫珍珠或者茶凍。雖然飲品嘅價錢係偏貴，但如果本身係對茶底係有要求嘅話絕對可以一試☺️🍴奶霜藍伯爵茉香綠茶凍［少甜］店舖嘅藍伯爵茶茶葉寫明係尼至斯里蘭卡，聽落都知好高檔😂藍伯爵茶茶底入口嘅茶味就比較香濃而且有淡淡的花香味，另外茶底亦都有好重嘅伯爵茶香味，味道入口非常清幽同味道亦好突出。個藍伯爵茶茶底亦都十分香醇👍不過個奶蓋方面就比較失望，雖然個奶蓋係幾好味嘅，味道有少少甜得來又帶有少少鹹香味，同個茶底飲都幾夾。而且奶蓋入口個口感都幾順滑。但佢哋個奶蓋係一個有口感嘅奶蓋，支飲管插到落最低會飲到有芝士粒🙄不過唔排除係咁啱佢哋嗰日失手，因為暫時都冇見到有人有同樣嘅情況出現😩至於額外加配嘅茉香綠茶凍口感就比較QQ，茶凍既茉莉花味都幾突出，不過可能配藍伯爵嘅茶底就會爭少少。另外，茶凍既味道帶有少少甘甘地咁，所以可能未必個個都可以接
木衛二本身係一間嚟自淡水嘅小茶館，不過就越早越大，竟然係今個月月頭進駐香港。
店舖行嘅係中高檔路線，所以飲品嘅價錢都會偏向比較貴少少，由＄22至＄44不等，可以另外加錢叫珍珠或者茶凍。雖然飲品嘅價錢係偏貴，但如果本身係對茶底係有要求嘅話絕對可以一試☺️
🍴奶霜藍伯爵茉香綠茶凍［少甜］
店舖嘅藍伯爵茶茶葉寫明係尼至斯里蘭卡，聽落都知好高檔😂
藍伯爵茶茶底入口嘅茶味就比較香濃而且有淡淡的花香味，另外茶底亦都有好重嘅伯爵茶香味，味道入口非常清幽同味道亦好突出。個藍伯爵茶茶底亦都十分香醇👍
不過個奶蓋方面就比較失望，雖然個奶蓋係幾好味嘅，味道有少少甜得來又帶有少少鹹香味，同個茶底飲都幾夾。而且奶蓋入口個口感都幾順滑。但佢哋個奶蓋係一個有口感嘅奶蓋，支飲管插到落最低會飲到有芝士粒🙄不過唔排除係咁啱佢哋嗰日失手，因為暫時都冇見到有人有同樣嘅情況出現😩
至於額外加配嘅茉香綠茶凍口感就比較QQ，茶凍既茉莉花味都幾突出，不過可能配藍伯爵嘅茶底就會爭少少。另外，茶凍既味道帶有少少甘甘地咁，所以可能未必個個都可以接受到，因為個茶凍係完全一啲都唔甜😂
🍴木衛手作西瓜鮮果飲
鮮果飲基本上就係用新鮮嘅水果醬加氣泡飲，不過水果醬就時不時都會更換，要去到現場先知嗰日嘅鮮果飲係咩，如果店舖可以預先喺 Instagram / Facebook 公佈嗰期嘅鮮果飲係咩咁就好啦！而小編嗰日幫襯咁啱就係西瓜果醬。
講真鮮果飲裏面基本上飲唔到有任何西瓜味，只係飲到有糖漿味，應該係西瓜本身比較淡味嘅關係。所以飲品根本就同糖漿氣泡有冇分別。而飲品裏面加左啲氣泡飲，所以整體來講飲品都幾解渴。而個啲切咗粒嘅西瓜肉個口感又確實係幾特別嘅加埋落去啲飲品裏面，西瓜肉嘅口感介乎於爽口同淋身嘅中間，個口感真係超難形容。不過西瓜肉入口嘅味道亦都好清甜。而且值得一讚嘅係佢哋將西瓜切粒，所以西瓜唔會塞住支飲管，而且仲做埋去核既工作添👍但個人就真係覺得唔多值呢個價錢😔
張貼
