影片
更多
2016-04-12
792 瀏覽
威靈頓街, 非一二線的核心地段, 好處是... 有大店... 又有小店, 愈近上環方向, 愈多小店經營, 間中還有些五金店和文具鋪, 這些舊式店舖, 賣的貨品, 全都經濟實惠, 閒時最喜歡慢慢行慢慢看. 近星期, 天氣轉暖, 下午茶時段, 行了一會, 已經全身出汗, 小店的冷氣未合我心水, 於是向大店出發.... 此店屬於樓上鋪, 地方大, 環境好, 冷氣充足, 午市和晚市大排長龍, 下午茶時段, 少客, 優閒得多, 可以慢慢食, 慢慢坐. 一邊用餐, 一邊看著天橋的人來人往, 特別舒適寫意... 很多人都不知道, 茶木其實屬於太興集團, 開張才三年, 生意好到不得了.... 不得不寫個"服"字, 一間由香港人經營, 專做台灣小食店, 可以這甚成功... 宇治抹茶奶蓋 Milk Foam Matcha Red Bean $40. 很多餐廳售賣的抹茶飲品, 都標榜是"宇治", 到底"宇治"有甚麼出名?? 下次去日本旅遊時, 記得去京都, 最好是四月(每年第一批綠茶上市, 又稱為"新茶"), 探一探市郊茶鄉"宇治", 你會明白箇中原因. 甚麼是"奶蓋"....? 台灣食物, 當然用台灣中文
威靈頓街, 非一二線的核心地段, 好處是... 有大店... 又有小店, 愈近上環方向, 愈多小店經營, 間中還有些五金店和文具鋪, 這些舊式店舖, 賣的貨品, 全都經濟實惠, 閒時最喜歡慢慢行慢慢看. 近星期, 天氣轉暖, 下午茶時段, 行了一會, 已經全身出汗, 小店的冷氣未合我心水, 於是向大店出發....
此店屬於樓上鋪, 地方大, 環境好, 冷氣充足, 午市和晚市大排長龍, 下午茶時段, 少客, 優閒得多, 可以慢慢食, 慢慢坐.
一邊用餐, 一邊看著天橋的人來人往, 特別舒適寫意... 很多人都不知道, 茶木其實屬於太興集團, 開張才三年, 生意好到不得了.... 不得不寫個"服"字, 一間由香港人經營, 專做台灣小食店, 可以這甚成功...
宇治抹茶奶蓋 Milk Foam Matcha Red Bean $40. 很多餐廳售賣的抹茶飲品, 都標榜是"宇治", 到底"宇治"有甚麼出名?? 下次去日本旅遊時, 記得去京都, 最好是四月(每年第一批綠茶上市, 又稱為"新茶"), 探一探市郊茶鄉"宇治", 你會明白箇中原因. 甚麼是"奶蓋"....? 台灣食物, 當然用台灣中文才夠地道, "奶蓋"絕非印刷錯誤, 也不是"樽蓋"... 台灣人所講的"奶蓋", 是把鮮奶打成泡沫, 覆蓋在茶上面, 再灑一些茶粉, 其實類似香港人甚喜歡的鮮奶咖啡一樣, 精緻之餘又好味, 濃濃的抹茶加入鮮奶泡沫, 口感細滑, 奶味濃郁, 味道芳香.
玫瑰拿鐵咖啡 Rose Latte $38. 若論咖啡, 台灣比香港更早與先進世界接軌, 廿年前, 星巴克還未入香港市場, 香港人只知道一種咖啡, 就是"茶餐廳咖啡", 但去到台灣, 才發現, 原來咖啡也可以有不同款式(雖然都是奶多奶少的分別, 其實根本差不了多少...哈哈), 廿年前去台灣旅行, 在餐廳第一次看到"拿鐵", 還以為是能量飲品(類似當時在香港甚流行的"力保健"), 飲完可以"拿"起舊"鐵"... 重唔係能量飲品!?!? .... 哈哈... 這杯用古董"漱口盅"盛上的"拿鐵", 甚有看頭, 還放些玫瑰花碎在表面, 綠、啡、紫三色, 是絕配, 這杯好嘢, 是友人的至愛, 我無緣享用, 只聽她描述, 不需加糖, 也有少少甜, 啡味半濃, 奶滑, 而玫瑰花瓣, 聞得到香味...但嘗不到喲... 哽哽...
香煎沙朗肉燥飯 Fried Sirloin, Marinated Minced Pork with Rice $82. 又一款有台灣特色的名稱, 一看見"沙朗", 我只想起"莎朗史東"(Sharon Stone), 要扮年紀輕, 千企唔好對人講你睇過她的成名作"本能"....哈哈. "沙朗"...., 香港人稱呼為"西冷", 香港有"西冷"牛扒, 也有"西冷"紅茶, 前者是"音譯", 後者... 要再查一查..... 西冷牛扒, 英文sirloin, 一般講法, 是指牛腰脊兩側的肉, 口感纖維度略比牛柳略高, 但這碟西冷牛扒, 切片, 口感似牛柳, 甚為軟熟.
滷肉飯和肉燥飯有甚麼不同?? 一直以為台北人多稱呼為滷肉飯, 而南部才多叫肉燥飯, 但友人反駁, 滷肉飯和肉燥飯完全不同, 滷肉飯是用肥七瘦三的連皮三層肉, 而肉燥飯則是用豬後腿的肥瘦各半碎肉.... 我心諗... 有無咁認真呀!?!?! 無咁好氣, 食飯先.... 飯身和肉燥碎都粒粒分明, 台灣做法, 肉燥多是用燉煮方式, 時間愈長, 肉質愈軟愈淋, 配上溫泉滷蛋, 要消滅它, 絕對easy job.
櫻花蝦牛乳泡高山菜 Sakura Shrimp and Vegetable in Milky Soup $72. 香港餐廳, 近十年, 才多用櫻花蝦做菜式, 櫻花蝦屬身形細小海蝦, 最大的也只有兩厘米, 在日本時, 見過活生生的品種, 透明粉紅色, 身體發亮, 真的像櫻花瓣, 小巧玲瓏. 無論任何菜式, 放些在面, 當堂添了些貴氣, 這碟淡淡白黃的高山菜, 加了橙紅的櫻花蝦點綴, 賣相特別養眼.
高山菜??? 香港人很少用這稱呼, 聽落...夠晒貴氣, 是否高高山上先有既菜...?? 台灣人稱呼高山菜, 香港人稱呼為紹菜、黃牙白、大白菜... 還有BB版的娃娃菜..., 但用香港名稱, 格調立即降了幾級囉....哈哈... 點叫法?? 無所謂, 最緊要好味! 這碟奶白湯汁的黃牙白, 味道香而濃, 菜煮得剛好, 爽中有軟, 軟中有脆, 櫻花蝦帶香, 配合得好好.
提拉米蘇丹麥吐司 Tiramisu Danish Toast $90. 這才是主角, 又是一款台灣比香港更早引入的意大利名字: 提拉米蘇. 這當然不是提拉米蘇蛋糕, 只是提拉米蘇雪糕... 咁都得...!? 嘜唔係手指餅先可以稱為Tiramisu咩..!? 超! 有咩嘢唔得啫! ... 用厚多士做甜品, 就真是台灣人才想得到, 香港生意人可能覺得這麼簡單的食物, 點可以賣到錢架??? 只是放些士多啤梨、忌廉和雪糕在麵包上面, 就當係甜品, 重要賣咁貴, 得唔得架??? 嗱...嗱...嗱.... 呢D未就係叫"創意"囉!! 一點廚藝技巧也不需要, 在家中也可隨時做到, 只需要到麵包店買件大厚多士, 到超市買一枝忌廉和士多啤梨, 雪糕?? 想平一點, Dryers也不錯, 想豪一點, Haagen Daz也不會貴很多.... 簡單到... 點都估唔到有這麼多人竟然願意付成百蚊出街食, 市場和消費者個腦諗咩嘢?? 我真係識條鐵....哈哈...
友人愈講愈興奮, 一刀插入... 件厚多士啫...哈哈... 忌廉和士多啤梨, 真係最佳配搭, 微酸中帶輕輕的甜, 爽中又帶軟滑, Tiramisu雪糕竟然有一陣淡淡的酒味, 食完...飽到呢... 張貼
