六合小巷 (已結業)

家人生日一定要出去食好嘢慶祝一下！平時最鍾意食台灣嘢，今日嚟到充滿台灣特色嘅六合小巷。首先叫一個主食，叫左精裝牛三寶麵，識食梗係揀粗麵，既可以掛多啲湯汁同埋有口感啲！店員好細心，佢倒緊湯汁個陣見我哋喺度影相，佢即刻慢慢倒等我哋可以影到靚相，仲問我哋O吾OK添😜牛三寶分量超多，口感都好好，尤其係牛筋嘅軟硬度非常之好，入口即化！金錢肚、牛腩又入味，冬天食真係啱晒！之後叫多一個呢度嘅招牌菜：麻薯芭樂骨。麻薯入饌通常都只係甜品，但呢度反其道而行之！一定要欣賞佢嘅創意首先！麻薯係由糯米所造，所以會呈白色，但係呢度係見黃色。店員都好細心同我哋介紹麻薯係要反過來包住芭樂同埋啲排骨一齊食咁就係最正宗。真係有新鮮嘅水果芭樂，大小適中，配合醬汁酸酸甜甜可以解豬肉嘅肥膩感覺！如果麻薯可以再有咬口啲我覺得會更加高分😍！之後叫多個小食我哋揀咗好耐冇食既蚵仔煎。呢個一定要講求夠唔夠鑊氣啦～我哋擺咗一陣先食都夠香脆喎！最欣賞佢呢度配嘅香辣醬，食落去甜甜辣辣超級惹味！最勁嘅係佢嘅醬汁味道食落同台灣係一模一樣！真係越食越掛住呀！最後唔係唔食甜品呀？嗌左個鮮雜果仙草！我最欣賞佢嘅表面鋪咗好多透明嘅寒天，令人覺得好似閃令令