T4 清茶達人 (已結業)

2018年11月29日。晴。灣仔。呢日喺灣仔食飯～食完飯仲有時間行陣街，行下行下就行到大有廣場啦！見到對面有間Tiffany Blue嘅台式手搖飲品店，過去睇睇先～招牌都幾醒神㗎～門口擋板兼櫃枱仲係雲石pattern，舖門細細，但裝修骨子選擇都幾多喎～清茶比較特別，係平時少見啲嘅茶品類型現場試咗細細杯推介嘅芒果清茶芒果係台灣嘅愛文芒果啊！果味香甜，茶味又清香～好幸福～咁既然試飲咗芒果味，當然試下其他味啦～埋去嗌嘢飲嘅時候，發現兩個店員都係純正台灣人！即刻好感度上升100倍！幫同事買埋，所以買兩杯～嗌咗一杯水蜜桃清茶，然後店員就推介身後poster嘅呢杯琥珀珍珠鮮奶即係黑糖珍珠鮮奶～就試下啦～琥珀珍珠鮮奶，$30珍珠煙韌有𡁻口，仲滲有黑糖味～半糖之後甜度啱啱好～鮮奶用咗日本明治鮮奶（見住佢整），完全唔洗擔心係用奶精溝出來，正！水蜜桃清茶，$23店員都係建議嗌半糖，當然跟啦～水蜜桃味清甜，同個清茶又好夾喎！呢日熱熱哋就啱晒啦！