影片
更多
2020-09-30
2340 瀏覽
終於捱到連續四日假期，今晚一於躲下懶，唔煮飯。有人提議收工去「百芳池上便當」食晚飯，然後過去「誠品」行下。其實自從太古城開咗呢間「百芳」分店之後，餐廳已經成為我哋嘅飯堂，加上依家無得去旅行，台式便當好自然就成為大家嘅 comfort food。其實餐牌上嘅便當有一半我哋都吃過，今次就試下香酥炸雞腿便當，另外再加咗個炸花之丸同香酥豬扒肉燥乾拌麵套餐。花之丸 ($20) 外皮炸得很香口，食落啖啖花枝，彈牙得來又有咬勁，而且吃起來唔會太乾或太油。香酥炸雞腿便當 ($63)：炸雞腿和飯各自分開盛載，雞腿接近手掌大，上桌時仍熱氣騰騰。炸皮色澤金黃，而且還有小量油泡，吸睛又邪惡。雞皮鬆化酥脆，咬下有沙沙聲，雞肉口感嫩滑不韌，非常 Juicy，完全不油膩。餸料同飯以木餐盒盛載，飯面鋪滿炒粉絲、菜甫、栗米粒、椰菜、 紅蘿蔔絲，另外還有半隻滷水蛋，大大盒，非常足料。米飯圓潤，粒粒分明。菜甫爽口好吃，而滷蛋亦夠曬入味，蛋白不會太硬。至於另一客香酥豬扒肉燥乾拌麵 ($64) 亦保持水準，豬扒醃得非常入味，大大塊又無骨，入口啖啖肉。肉燥肥瘦相間，肥肉入口即溶，肉汁香甜，香口而不過鹹。麵條有麵粉香，食落煙韌
其實自從太古城開咗呢間「百芳」分店之後，餐廳已經成為我哋嘅飯堂，加上依家無得去旅行，台式便當好自然就成為大家嘅 comfort food。
其實餐牌上嘅便當有一半我哋都吃過，今次就試下香酥炸雞腿便當，另外再加咗個炸花之丸同香酥豬扒肉燥乾拌麵套餐。
花之丸 ($20) 外皮炸得很香口，食落啖啖花枝，彈牙得來又有咬勁，而且吃起來唔會太乾或太油。
香酥炸雞腿便當 ($63)：炸雞腿和飯各自分開盛載，雞腿接近手掌大，上桌時仍熱氣騰騰。炸皮色澤金黃，而且還有小量油泡，吸睛又邪惡。雞皮鬆化酥脆，咬下有沙沙聲，雞肉口感嫩滑不韌，非常 Juicy，完全不油膩。
餸料同飯以木餐盒盛載，飯面鋪滿炒粉絲、菜甫、栗米粒、椰菜、 紅蘿蔔絲，另外還有半隻滷水蛋，大大盒，非常足料。米飯圓潤，粒粒分明。菜甫爽口好吃，而滷蛋亦夠曬入味，蛋白不會太硬。
至於另一客香酥豬扒肉燥乾拌麵 ($64) 亦保持水準，豬扒醃得非常入味，大大塊又無骨，入口啖啖肉。肉燥肥瘦相間，肥肉入口即溶，肉汁香甜，香口而不過鹹。麵條有麵粉香，食落煙韌彈牙。
幾乎每次嚟都會飲珍珠奶茶，今次跟餐飲品就決定搞搞新意思，試下芋頭豆乳小芋圓同粒粒紅豆鮮奶。飲品可以自己揀甜度同冰度。
杯芋頭豆乳小芋圓 (+$24) 好足料，入面有滿滿的芋泥，豆乳帶大豆獨有的香味，芋圓口感煙韌，夾埋一齊啜入口，味道超豐富。
至於另外嗰杯粒粒紅豆鮮奶 (+$19) 味道亦很有驚喜，紅豆份量超多，入口不過甜，而且軟腍得來又保留了粒粒咬口，加上香濃嘅鮮奶，同紅豆簡直係絕配。
張貼
