小胖台灣便當 (豐怡中心) (已結業)

被佢喺彌敦道入口裝修所吸引，而且見到餐牌亦都唔貴，所以就去試吓，嗰日我點咗古早味豬肉便當同埋金橘檸檬茶飲品，味道都唔錯，性價比非常之高$62有一個飯同一個嘢飲係非常之超值，喺今時今日香港咁高消費水平嚟講好抵呀，而且佢嘅服務都好好，有好多職員喺度幫你清理枱面同埋安排座位，係非常之抵食之選！肉質就不能要求太高，味道和材料配搭較高分環境方面，乾淨整齊，同埋唔太多人，所以就算午餐繁忙時段都坐得好舒服，我應該會再嚟幫襯