墾丁茶房 (已結業)

午餐黎megabox食，揀左同事門都同意嘅墾丁茶房，貪其多位又比較濶，唔使坐得咁迫。點左一人一個午餐，ABC餐、餐飲都係自己寫紙，唔明點解仲可以落錯單，anyways，終於有得食。今日小食係木耳，酸酸地又爽口，好食。叫左鹽酥豬扒，炸得香脆唔油膩，啖啖肉好正。肉燥飯，細就細碗啲，都夠飽嘅，但個味怪怪地，好甜咁喎？！餐飲要左泡沫奶茶，好大杯，勁多奶，唔錯。糖水係咪比多左啲？台式飲品要落咁多糖㗎？午市太忙搞到啲侍應好唔得閑，十問九唔應，落錯單又上菜慢，我地第一枱黎兼落單，但最後先上，咩料呀～？！