小巷弄

營業中

休息中

北角匯都開咗都一段時間，見到去餐廳嘅選擇非常之多，而且啲餐廳都唔係好大眾嗰啲，終於可以食下一啲新嘅嘢食啦😆呢間餐廳都幾容易搵，地鐵站1分鐘都唔使就到，餐廳主要食嘅係台式食物，有啲蛋餅、台式滷肉飯等等，最重要係佢有成版手搖飲品俾我選擇，手搖飲品先係台灣菜嘅精髓啊嘛！佢嘅牛肉香蔥手抓餅超級好食，啲菜同肉嘅比例啱啱好，個醬都配得好夾，手抓餅唔會好油，一份兩個人食都幾飽咖！以佢嘅宜蘭迷你蔥肉餡餅有啲似香港嘅生煎包，但係佢入面嘅料都幾豐富，個包會比較厚身，油分比較多。個人幾鍾意飲佢嘅冬瓜茶，飲品可以揀唔同嘅冰度同甜度，冬瓜茶味道好濃，但一啲都唔甜，冬瓜味好重！