燈籠滷味 T.P.E. (M88) (已結業)

今日去到中環食晚飯，近年都比較出名既燈籠滷味 - T.P.E.。燈籠滷味來自台北，正宗台灣過江龍，可以喺香港食到傳統台灣道地風味，T.P.E. 概念店意思TAIPEI，亦解作THE PERFECT EXPERIENCE。-豪吃自由配搭😋蜂巢牛肚 - 份量多，厚切，口感一流，牛味濃郁。大腸 - 肥瘦都有，如果全部都係肥，會比較膩，有部份瘦，平衡下啱啱好。雞翅膀 - 正常合格嘅滷水雞翼。白蘿蔔 - 蘿蔔本身非常之甜，冇渣，食到停唔到口。台灣王子麵 - 加埋酸菜，蔥花，秘製滷水汁，撈埋一齊食，層次非常豐富嘅撈麵。-燈籠人氣蔥抓蛋餅卷 (豚肉泡菜味)😋蔥抓蛋餅非常鬆脆，配上豚肉，泡菜，仲有適量嘅沙律醬一齊食，口感同味蕾都達到至高境界。******************************😋好食 | 😐可以 | 🥵 難食評分 : 7.5/10簡評 : 環境設計前衛，可以食到傳統地道台灣滷水味道，唔錯嘅飲食體驗。